kumanova.li

Këshilltari Kurtishi tërhiqet nga dy komisione

Mon, 27 Dec 2010 18:26:33 +0100

Këshilltari komunal i Kumanovës nga radhët e PDSH-së, Halil Kurtishi, ka dhënë dorëheqje nga Komisioni për Urbanizëm dhe Komisioni për Çështje Komunale pranë Këshillit Komunal të Kumanovës.
Si arsye për dorëheqjen e dorëzuar të enjten, Kurtishi e përmend tendencën permanente të kryetarit të Komunës së Kumanovës, Zoran Damjanovski, për të manipuluar me këto dy komisione dhe të ndikojë në vendimet tyre.

Më lehtë punësohet një femër e bukur, se një ushtar i UÇK-së

Tue, 21 Dec 2010 20:03:17 +0100

“Më lehtë punësohet një femër e bukur se një ish ushtarë i UÇK-së. Ministrat tonë i kanë mbushur kabinetet me vajza të reja të cilat në disa raste as shqip nuk flasin mirë, ndërsa kanë harruar ata që e bënë luftë dhe që i sollën në ato poste ku janë” kështu e fillon rrëfimin i revoltuar nga politikanët shqiptarë ish ushtari i UÇK-së, Ersan Haziri, nga fshati Llopat i Kumanovës. Ai i është bashkangjitur UÇK-së në moshën 17 vjeçare, për t’iu kundërvënë politikës nënçmuese ndaj shqiptarëve. Tani është 27 vjeç, bredh rrugëve i pa punë, ndërsa mbijeton nga ndihma që i ofrojnë disa familjarë të cilët qëndrojnë më mirë ekonomikisht. Jeton në një shtëpi bashkë me tre vëllezërit dhe prindërit e tij.

Flamuri shqiptar i pa dëshiruar në Kumanovë

Tue, 21 Dec 2010 20:01:41 +0100

Kumanova festoi ditën e çlirimit me dhjetëra flamuj të shteteve të ndryshme të vendosur në selinë e Komunës. Mungonte vetëm flamuri kuq e zi, me shqiponjën dy krenare. Të enjten, në selinë e komunës ishin vendos flamuri i Maqedonisë, flamuri i Turqisë, i Serbisë, flamuri i Bashkimit Evropian, madje edhe flamuri i Republikës së Kosovës, por jo edhe flamuri shqiptar.

Shqipja në Kumanovë në mëshirën e sponsorëve

Tue, 21 Dec 2010 19:59:15 +0100

Edhe pse ia lejon Ligji dhe Kushtetuta, Qyteti i Kumanovës nuk e respekton gjuhën shqipe. Në Kumanovë ku jetojnë më shumë se 20 për qind shqiptar, tabelat e komunikacionit publik edhe pse duhet të ishin edhe në gjuhën shqipe, ato janë vetëm në maqedonisht dhe anglisht. Komuna justifikohet me atë se sponsori që ka bërë shënimin e shenjave të komunikacionit ka bërë një lëshim, pasi nuk e ka ditur që shënim i duhet bërë edhe në shqip.

Kazerma “Karposh” në Kumanovë për nevojat e arsimit shqip

Tue, 21 Dec 2010 19:57:00 +0100

Ministri i Mbrojtjes, Zoran Konjanovski, të dielën e ka kryer pranim-dorëzimin e një objekti nga kazerma “Hristijan Todorovski – Karposh” në Kumanovë, për nevojat e Ministrisë së Arsimit. Këto lokale do të adaptohen për realizimin e ligjëratave të studimeve disperzuara të Universitetit të Tetovës dhe për nevojat e Shkollës bujqësore “Kiro Burnaz”.

Kumanovë, Shkolla e bujqësisë do të transferohet te kazerma

Tue, 21 Dec 2010 19:55:23 +0100

Ministria e Arsimit dhe Shkencës (MASH) bën të ditur se janë duke u bërë bisedime për transferimin e paraleleve shqipe të shkollës së mesme të bujqësisë “Kiro Burnaz” në Likovë, në një objekt të ish kazermës së Kumanovës i cili së shpejti pritet që të rinovohet. Përgjegjësi i paraleleve shqipe të kësaj shkolle, Ridvan Kamberi thotë se deri më tani nuk ka asgjë zyrtare në lidhje me këtë çështje.

Shirat dëmtuan banorët e komunës së Likovës

Sun, 21 Nov 2010 20:10:00 +0100

Me supe të kërrusura dhe me dyshimin se si do të përballen me orenditë e dëmtuara shtëpiake, banorët e fshatit Opajë të Kumanovës tregojnë se nuk mbajnë mend ndonjë natë si ajo e mbrëmshme – me kova, fshesa dhe me duar mbroheshin nga uji vërshues që u përmbyti shtëpitë. Në ndihmë, nuk u erdhi asnjë autoritet as mbrëmë e as sot.
Nga komuna e Likovës thonë se janë në dijeni të shtëpive dhe arave të përmbytura, por përparësia e kryetarit të komunës ishte shkolla në Mateç ku mbrëmë ra rrufeja dhe dogji gjithë instalimin. Komuna do të formojë edhe komisionin i cili do të verifikojë dëmet.